Դպրոցի ղեկավարի բլոգ

Բնութագրեր

Ռուզաննա Գրիգորյան /2-5 տարեկաններիմխմբի դաստիարակի օգնական/

Մարգարիտ Հեքիմյան— Ռուզանն ակտիվորեն մասնակցել է մեր աշխատանքային գործունեություններին։ Տեսակով՝ խաղաղ, կիրթ, հոգատար, պրպտող, պարտաճանաչ, աշխատասեր անձնավորություն է։ Հեշտ է հաղորդակցվում, սիրալիր ու հոգատար է սաների հետ։

Ամառային ստուգատես

Աշխատանքային հավաք

2022-2023 ուսումնական տարում Արևմտյան դպրոցի կառուցվածքը
Հուլիս-օգոստոսի աշխատանքի կազմակերպում. օրացույց, աշխատակարգ
Կադրեր՝ գրասենյակի ղեկավար, կազմակերպիչ, ուսուցչի օգնական

Գրասենյակի ղկավար՝ Անուշ Հովհաննիսյան
Կազմակերպիչ՝ Սոնա Փափազյան
Ուսուցչի օգնական՝ Մադլեն Թերզյան, Քրիստինե Հարությունյան
5 տարեկանների ուսուցչի օգնականներ՝ Ալվարդ Անդրեասյան, Մարիանա Դարբինյան

Գնահատման կարգի մշակում

Գնահատումը «Մխիթար Սեբաստացի» կրթահամալիրում կրթական պրոցեսի անօտարելի բաղկացուցիչն է: Այն միտված է ապահովելու սովորողների և դասավանդողների զարգացումը, խթանելու սովորելու ձգտումը, բարելավելու ուսումնական պլանները, դասընթացների ծրագրերը, ուսուցման կազմակերպումը: Գնահատման հիմքում հանրակրթության պետական չափորոշչի, հեղինակային կրթական ծրագրի պահանջներն են: Գնահատումը լինում է ներքին և արտաքին: Արտաքին գնահատումն իրականացվում է հիմնական դպրոցի ավարտին և միջնակարգ դպրոցի ավարտին սովորողների ամփոփիչ ատեստավորմամբ` ԿԳ նախարարության սահմանած կարգով: Պետական ամփոփիչ ատեստավորման նպատակն է գնահատել սովորողի համապատասխանության աստիճանը հանրակրթության պետական չափորոշչով սահմանված շրջանավարտին ներկայացվող պահանջներին: Արտաքին գնահատում է նաև ԿԳ նախարարության կողմից անցկացվող տարբեր հետազոտություններին մասնակցությունը:

Ընդունելության ծրագիր

2-5 տարեկանների խմբեր․ 27․06-01․07

Օրենքի նախագծերի արձագանք

Դասարանների կազմավորման կարգի նախագիծ. հանրային քննարկում

/հարցադրումները նախարարությանն են ուղղված/

1․ Այժմ մենք ունենք 28-30 հոգանոց դասարաններ, իհարկե, լավ է, երբ դասարններում ծանրաբեռնվածությունը թեթևանում է, բայց խնդիր է, երբ դպրոցը չունի շենքային պայմաններ, այդ դեպքում դասարաննեորւմ համապատասխան քանակով սովորողներ ունենալու պահանջը դառնում է խնդիր, հատկապես հեղինակային կրթություն իրականացնող «Մխիթար Սեբաստացի» կրթահամալիրում, որտեղ ուսումնական գործընթացը 9։00-17։00 է, և բացառվում է երկու հերթով աշխատանքը, դա անլուծելի խոչընդոտ կարող է դառնալ ուսուցման կազմակերպմսն համար, եթե նախարարությունը տարածքային նոր առաջարկություններ չանի: